CERPEN Kayla Napisa, SMPN 1 Mendobarat: Berakher e Budaye Bong-Bong

Reporter: |

Editor: Budi Rahmad |

Minggu , 15 Dec 2024 - 21:47

“Bong-bong aek dalem, bong-bong aek dalem, maken lumbong maken dalem, pah ketipuh dapet duit lugem”

Nyanyian ya lah semacem kek mantra men pek pudong budek Petalen taon 1980-an yang akeh maen bong-bong, dek jareng nyanyian e lah becampor kek suara karoh wak-wak yang nek betesah, karena kadeng aek yang cenen jadi keroh asak budek lah akeh maen bong-bong. Bong-bong ne lah semacem meneng cabut lot, men sekira beruntong dapet emas, pon sekira dek beruntong dapet cemas bi.

Nampek kampong yang dikenal dengan kampong Petalen ade aek yang besek e ngabek, nama e Aek Amper, selaen jadi tempet harta karun budek-budek maen bong-bong, aek ne termasok sumber mata aek yang palen beharge lah itong e pek kampong Petalen, nampek nik lah urang bemandik, betesah, betusor, sampai betuker kisah. Sekelilen aek ne ngerajen kek utan, banyek bateng rembiek, men tengah sepi aek ya ret umun asa e, jemek men lama-lama pek ya, apa agik dekde pudong urang ramai.

Adelah tekadeng urang kampong bekisah tentang sikok pon lama yang tumbuh pek aek ya, besek pon e, aker e ge ade setambun mangal sampai ke aek-aek aker e, nama pon e pon kiara. Men denger kata urang luk e asak mudel aek besek ade pon besek uge cemya ditungge kek segale macem cigek indeh, cem mudel nek akek, ante lelap, mawang beleh muka kek yang gati urang kampong nelingan e buyut, mende ne palen ingen kek budak kata e, tapi patot diinget mende-mende ya dek kek nyuet dik men dik dek gangge dek gurek. Tente e dik manusia ne aros banyek-banyek nabet.

Sekiter taon 1980-an di kampong ne iduplah seurang jande anek sikok nama e Mieh kek anek e Unos, idup kabennya ne serbe payah, kek maken dalem sari ge kadeng dek cukop, mak ne gek layan ngelangkong gawi e, arep ngambik upah pek kebun urang, sedangkan Unos ne tingah e cem budek-budek sepantarnya lah e, akeh bemaen, tapi ya lah kadeng Unos gek tep-tep nengong urang bemaen gamber, bemaen setal, karena dek beduit jadi mak nya dek tau meli pemaen kek Unos nak budak laen e.

Pas lah turon ari, Unos ne gi mereh kawan-kawannya bemaen. Budek kelaki merdes bemaen kek setal, separo maen gamber. Budek mentinak bemaen kek igik sagek, men igik sagek ne seger men, dek mayah bebeli tinggek mutek bengkiun utan utan dek jauh dari kampong belamper pon e. Karena nengong Unos gek tep-tep nyeletuk kawan e sikok melucon Unos “Dari pada ke tep-tep nengong kamen maen setal, gilah kiyun along ke maen igik sagek kek budek mentinak nu,” kata kawan e ngulok Unos. Unos pon liget nya nyaot “Dek pasel! male ko lep-lep surang lah pudong budek mentinak,” kata Unos agak mireng sikit.

Karena ringem merdes diulok-ulok kawannya Unos pon pangan merajuk, dek inger ben nya pulang. Ale pulang Unos pon setempoh kek Mael uman nya bejalen dari arah aek amper,bajek e baseh belenjit, igik mata e temirah lah nek ngalah-ngalah igik sagek.

“Dari mana ke El, bajek baseh belenjit, kepala beu palak burut, yang kek mata lah bemirah, beu-beu e ngeroh Aek Amper muli lah gawi ke ne” Unos ngericek ngeruce Mael. Mael pon ngejaweb, “Ko ne mencarik Nos, dek nengong ke igik mata ko bemirah ne, ke tengong ne bulih bong-bong ko sari ne setambun ne hah!” kata Mael sambil ngeluar bulih nya maen bong-bong. Uman e serade duit lugem, setal, igik sagek ge pon ade. “Ne sikok men ke nek tau, Bujeng Pacol mihet mari e bulih cincen emas hah!” Lanjut Mael agik.

Singge Unos pangan tekancat nenger Mael, langsong lah Unos ngucap dek pecaye, “Aok pa dek El, lak ke ngerahul udeh e.”

“Sumpah kantet peter ko hah men ko bebulek sige adep mata ko lah nya ngeraop tanah isik pek titei sekali di sintar-sintar cincen emas, lah udeh ge nya juel kek cen pengkal nu,” kata Mael ngeyaken Unos.

Nenger perucap Mael Unos tecengak dekde sejerket Unos ngucap, dek nyaot item dek nyaot puteh, pi dalem ati Unos lah mulai nyuson rencana. “Apa ko ne cube maen bong-bong lah, sapa tau banyek dapet e, ade ge kek meli setal, hal men ngarep mak sama kek bulek lah, mak dek beduit,” kata Unos dalem ati. Sudeh setempoh kek Mael Unos pon langsong pulang kumah.

Ari bisok pon tibe, ari mihet, lah seteger agik Unos nek gi kaek. Pas lah turon ari, turon uge Unos ke kaek. Sesampai pek aek dek sader Unos mukak bajek langsong nyelep dalem aek sekali galik tanah e lom bebulih yang ade tulang ikan, penitie. Nyelep kedue seceleng igik mata Unos nengong bende bulet, dalem ati Unos ne lah setal sebutir, sekali angket isik beng titei inde e igik salek, ancok kitek singge muka Unos, dari jauh lah kedenger suara wak karoh-karoh.

“Bantei lah jeng ke ne bong-bong e dek beduge agik lah, kaben pek ule nu ke entem ke ok, keroh aek e ne, ngantol urang nek beperes kek pakai, cube ben bong-bong ya asak urang tengah sepi dek betesah,” kata wak-wak ngeruce Unos. Langsong berangket Unos takot, kalok-kalok kek serbeng wak ya kek paser. Sepanjeng jalen ancok ati Unos dek apalah bulih e. Tapi Unos dek putos asa karena pikernya tadi gek suat gare-gare kena peranen wak nesah. Di pagi sok e Unos memutoskan ngulek dudi ulak, men pacak Unos nek ngentem e dari pagi gen peteng.

Ateng ari bisok ulak, ari Sabtu sampai ulik Unos pek Aek Amper, karena jam 9 urang agik adelah betesah kor enem urang, jadi Unos nungge luk suat arah setengah jem agik sisa due urang langsonglah Unos nyelep ulak. Ari Sabtu ne agak bide kek sebelum e, akher e Unos bebulih.

Bulih pertama langsong kena tebek e dapet duit lugem 25 piah, wai gurek ati Unos nak apa me pangan nek bedincak Unos dalem aek, maken semanget Unos bulih kedue e dapet setal langsong tige butir, maken gurek ati Unos, pi sayeng e sekali nengong kates lah beritem pon ari, awal ujen kerites-kerites dek lama langsong ngelebek ujen campor peter singge dek sader Unos berangket.

cerpen kayla napisa, smpn 1 mendobarat: berakher e budaye bong-bong                            “bong-bong aek dalem, bong-bong aek dalem, maken lumbong maken dalem, pah ketipuh dapet duit lugem”nyanyian ya lah semacem kek mantra men pek pudong budek petalen taon 1980-an yang akeh maen bong-bong, dek jareng nyanyian e lah becampor kek suara karoh wak-wak yang nek betesah, karena kadeng aek yang cenen jadi keroh asak budek lah akeh maen bong-bong. bong-bong ne lah semacem meneng cabut lot, men sekira beruntong dapet emas, pon sekira dek beruntong dapet cemas bi.
nampek kampong yang dikenal dengan kampong petalen ade aek yang besek e ngabek, nama e aek amper, selaen jadi tempet harta karun budek-budek maen bong-bong, aek ne termasok sumber mata aek yang palen beharge lah itong e pek kampong petalen, nampek nik lah urang bemandik, betesah, betusor, sampai betuker kisah. sekelilen aek ne ngerajen kek utan, banyek bateng rembiek, men tengah sepi aek ya ret umun asa e, jemek men lama-lama pek ya, apa agik dekde pudong urang ramai.
adelah tekadeng urang kampong bekisah tentang sikok pon lama yang tumbuh pek aek ya, besek pon e, aker e ge ade setambun mangal sampai ke aek-aek aker e, nama pon e pon kiara. men denger kata urang luk e asak mudel aek besek ade pon besek uge cemya ditungge kek segale macem cigek indeh, cem mudel nek akek, ante lelap, mawang beleh muka kek yang gati urang kampong nelingan e buyut, mende ne palen ingen kek budak kata e, tapi patot diinget mende-mende ya dek kek nyuet dik men dik dek gangge dek gurek. tente e dik manusia ne aros banyek-banyek nabet.
sekiter taon 1980-an di kampong ne iduplah seurang jande anek sikok nama e mieh kek anek e unos, idup kabennya ne serbe payah, kek maken dalem sari ge kadeng dek cukop, mak ne gek layan ngelangkong gawi e, arep ngambik upah pek kebun urang, sedangkan unos ne tingah e cem budek-budek sepantarnya lah e, akeh bemaen, tapi ya lah kadeng unos gek tep-tep nengong urang bemaen gamber, bemaen setal, karena dek beduit jadi mak nya dek tau meli pemaen kek unos nak budak laen e.
pas lah turon ari, unos ne gi mereh kawan-kawannya bemaen. budek kelaki merdes bemaen kek setal, separo maen gamber. budek mentinak bemaen kek igik sagek, men igik sagek ne seger men, dek mayah bebeli tinggek mutek bengkiun utan utan dek jauh dari kampong belamper pon e. karena nengong unos gek tep-tep nyeletuk kawan e sikok melucon unos “dari pada ke tep-tep nengong kamen maen setal, gilah kiyun along ke maen igik sagek kek budek mentinak nu,” kata kawan e ngulok unos. unos pon liget nya nyaot “dek pasel! male ko lep-lep surang lah pudong budek mentinak,” kata unos agak mireng sikit.
karena ringem merdes diulok-ulok kawannya unos pon pangan merajuk, dek inger ben nya pulang. ale pulang unos pon setempoh kek mael uman nya bejalen dari arah aek amper,bajek e baseh belenjit, igik mata e temirah lah nek ngalah-ngalah igik sagek.
“dari mana ke el, bajek baseh belenjit, kepala beu palak burut, yang kek mata lah bemirah, beu-beu e ngeroh aek amper muli lah gawi ke ne” unos ngericek ngeruce mael. mael pon ngejaweb, “ko ne mencarik nos, dek nengong ke igik mata ko bemirah ne, ke tengong ne bulih bong-bong ko sari ne setambun ne hah!” kata mael sambil ngeluar bulih nya maen bong-bong. uman e serade duit lugem, setal, igik sagek ge pon ade. “ne sikok men ke nek tau, bujeng pacol mihet mari e bulih cincen emas hah!” lanjut mael agik.
singge unos pangan tekancat nenger mael, langsong lah unos ngucap dek pecaye, “aok pa dek el, lak ke ngerahul udeh e.”
“sumpah kantet peter ko hah men ko bebulek sige adep mata ko lah nya ngeraop tanah isik pek titei sekali di sintar-sintar cincen emas, lah udeh ge nya juel kek cen pengkal nu,” kata mael ngeyaken unos.
nenger perucap mael unos tecengak dekde sejerket unos ngucap, dek nyaot item dek nyaot puteh, pi dalem ati unos lah mulai nyuson rencana. “apa ko ne cube maen bong-bong lah, sapa tau banyek dapet e, ade ge kek meli setal, hal men ngarep mak sama kek bulek lah, mak dek beduit,” kata unos dalem ati. sudeh setempoh kek mael unos pon langsong pulang kumah.
ari bisok pon tibe, ari mihet, lah seteger agik unos nek gi kaek. pas lah turon ari, turon uge unos ke kaek. sesampai pek aek dek sader unos mukak bajek langsong nyelep dalem aek sekali galik tanah e lom bebulih yang ade tulang ikan, penitie. nyelep kedue seceleng igik mata unos nengong bende bulet, dalem ati unos ne lah setal sebutir, sekali angket isik beng titei inde e igik salek, ancok kitek singge muka unos, dari jauh lah kedenger suara wak karoh-karoh.
“bantei lah jeng ke ne bong-bong e dek beduge agik lah, kaben pek ule nu ke entem ke ok, keroh aek e ne, ngantol urang nek beperes kek pakai, cube ben bong-bong ya asak urang tengah sepi dek betesah,” kata wak-wak ngeruce unos. langsong berangket unos takot, kalok-kalok kek serbeng wak ya kek paser. sepanjeng jalen ancok ati unos dek apalah bulih e. tapi unos dek putos asa karena pikernya tadi gek suat gare-gare kena peranen wak nesah. di pagi sok e unos memutoskan ngulek dudi ulak, men pacak unos nek ngentem e dari pagi gen peteng.
ateng ari bisok ulak, ari sabtu sampai ulik unos pek aek amper, karena jam 9 urang agik adelah betesah kor enem urang, jadi unos nungge luk suat arah setengah jem agik sisa due urang langsonglah unos nyelep ulak. ari sabtu ne agak bide kek sebelum e, akher e unos bebulih.
bulih pertama langsong kena tebek e dapet duit lugem 25 piah, wai gurek ati unos nak apa me pangan nek bedincak unos dalem aek, maken semanget unos bulih kedue e dapet setal langsong tige butir, maken gurek ati unos, pi sayeng e sekali nengong kates lah beritem pon ari, awal ujen kerites-kerites dek lama langsong ngelebek ujen campor peter singge dek sader unos berangket.
“lek lah ke ne ri …cubege lak ujen e! dik tengah seger-seger bebulih sari ne,” kata unos ngeruce surang. dek lama unos pon pulang ujen-ujen lah. pek jalen pulang unos setempoh kek mael tengah dudok mencangkong pek lamen umah merati aek ujan gawi e. “dari mana ke nos berujen ne,” karoh mael nyere unos.
“lak ke ne ngikot ko maen bong-bong lah,” lanjut mael agik. “aok ko ngikot kata ke mari due ari ne ko maen bong-bong lah e, ari pertama dek bebulih, mana kena peranen wak-wak nesah, sari ne di sebener e tah banyek tah bulih e, pi bantei kek ujen ngelebek, peter jelingkeng ek bulih duit 25 piah kek setal 3 butir,” kata unos sambil ngeluar bulihnya dari sak bajek e. mael pon langsong nyaweb, “ke dek tau bong-bong ya ade jampik e men nek ngasel, men lah tekeluar lagu ya betambun bulih ke.”
nenger kata-kata mael penasaran unos, langsonglah unos nyaot penasaran, “nak mana jampik e yo ke padeh ko ne luk.”“cara bisok bi pon yo sama-sama, pas bisok ari minggu urang dek pati ramai pek aek,” ajek mael dengan semanget. “aok ok, urang pasti jelet pengkal atau dek gi kebun,” saot unos dek kalah semanget ge.
bisok e ari ahad pon tibe. pagi kelem bute mak unos ngerebut ngelempah, hal e sari ne dari pagi gen peteng mak unos nek ngelangkong ngambik upah, sebelum gi mak lah besibuk nyuroh unos maken.
“maken jeng,lah ade buk empah pek baweh tudong ya, kelimet maken jeng, ya lah kek laok ngahri sampai peteng,” kata mak.
“dek renyik ko mak, gek kek laok-laok ya lah dek jauh dari telok kaye lah laok dumih ne, bantut mamik baus,” saot unos kek mak nya sambil nyok minyei muka unos. nenger unos nyebut nakya mak pon saber nyaweb e.
“malet bi pon, dek kawa kepon, men dek renyik, dilek lak mak meli ayem, asak mak lah dapet upah ngelangkong,” kata mak nyeneng ati unos.
unos agik nyok minyei lah muka e dek nyaot item dek nyaot puteh, “apa ke ngiren mak bi pon ngelangkong ade ge duit e, pacak due ari dik maken ayem paro kek belanje ke lah.” karena dek pati kawa betusah langsong unos nyaot “dek kawa nusah ko mak, along ko maen bong-bong pek aek amper ya, suat banyek dapet e, dek payah gawi e, dari pada ngelangkong ya, mana bepandes lak e.”
mak pon langsong ngejaweb ge, “deng lah kek akehigek ke bong-bong pek daik ya, pe ari ne mak nengong ke merdes ngulang aek amper ya. mari ujen ngelebek peter jelingkeng agik pek daik ges ke maen bong-bong ya lom tente dapet e. sari ne dek usah gi dek urang tengah sepi daik, along ngiren mak ngelangkong agik.”
unos nolak, “dek kawa ko dek men maen bong-bong sepi ya lah seger e, sekenek ko lah pek aek nu dek sapa lah nek meranen.” tapi mak nyambong, “gi lah ke sepi-sepi ya,tengong ke iret buyut”
“buyut apa ge mak denglah pecaya kek bende ngerahul ya,” saot unos pangan nek merteng. “ke ne sepatah urang madeh lima patah ke nyaot e, bilong kebali ke ne, dek nelingan di padeh,” saot mak pangan nek merteng. “yok lah men gek ngiren mak, maken lak e jangen lupak,” sambong mak. mak pon langsong gi ngelangkong.
lom anget ben tulak mak nya gi ngelangkong unos lah isek-isek nek gi bong-bong kaek di,dek sikit aben lah unos nenger kata mak nya. liget unos gi mereh mael nek ngajek bong-bong. ari e pagi nek ke siang sekitar jem 11 nakya. lah sampai kabennya pek aek. aek e sepi suet, tapi hawa e nyamen dek anget karena sekelilen e lelap. banyek pon rambiek, jadi asa e teduh.
nengong suasana cemya ukan kek jemek nya due bekawan malah gurek ati, luk kali dek sapalah kek meranen men aek keroh. sebelum nyelep mael pon madeh mantra kata nya mari e, langsong lah mael belagu “ne ke denger, bong-bong aek dalem, bong-bong aek dalem, maken lumbong maken dalem, pah ketipuh dapet duit lugem sambil nyanyi ade gerek e ngentek-ngentek kaki pek dalem aek sambil nunjem tanah muet lubeng.”
entah kebetulan bagus naseb e nyelep pertama sudeh ngikot pepatah-petitih mael di unos langsong dapet duit 50 piah, tah gurek ati unos kek mael nya tekaroh keret kanjer-kanjer dalem aek nek geleng nya kuet-kuet.
maen agik dapet setal, tah pukok e sekali maen ade teros dapet e, kan dek gurek ati nya due, sampai-sampai lupak kek waktu lah nganri nunjet. mael ne sader men ari e lah ngahri nunjet, jadi nya ngajek unos berangket dari daik e. “yu nos lah ngahri nunjet ne lah, dek kawa cigek nek akek, buyut lak e,” kata mael. unos pon nyaweb, “dek kek ade ne dek, denglah ke becakep ngerahul nakya-nakya ya.”
“menggeh ke lah nos, ko nek berangket dari daik ne luk,” saot mael. “yok ke lah, ngong dapet ko lah banyek ne rugi ko dek ngelanjut e,” kata unos, “ko nek bengkiun men luk, arah ule nu, pek arah pon kiara nu sapatau ade kalong mas nyangkot pek aker e,” sambong unos. “patot kelalah ke ne nos, lah setambun mangal bulih ke ya, deng lah, tengong ke kedadek lak e,” kata mael ngenasihat unos.
unos pon nyaweb sambil melucon, “bauh maken ngerahul ke ne, dek de sejareh urang kedadek bong-bong, men kedadek ya kedadek jeren, petai suah e,” saot unos sambil gi mereh ke ule arah pon kiara. “denglah nos ade u pek nu,” saot mael. unos pon nyaweb, “dek kek ade ne dek, tengong ne hah ko namper aek 7 kali dek de lahular dek de lah buyut e muncul dek boh.”
“jangen nakya, u nyebut e. ke ade bener nya muncul lak e, ke sel e, ke pon nu ade buyut nungge e, sel dek,” saot mael. unos dek kek cara nya gi ke ule arah pon kiara di lah. dek lama dari ya ngerites ujen pandes. mael langsong beteduh nampek pundok tempet urang besalen nakya. tibe-tibe kedenger suara unos mintak tulong pi kecit suara e, mael tekejut langsong lah nya keluar dari pundok ya, sekali nya tengong nya agik ujong rambut unos keliat e. langsong tekancat mael sambil istigfar, “astaghfirullah mani ges unos ne, ntah di iret mese-mese nya ne, ko nek madeh kek mak nya along ne,” kata unos sambil lari mereh mak unos.
setelah dipadeh kek mael mak unos pon tekejut kek karoh keret sehingge warge kampong pon ikot tau kek kaber ne di. sejalen jalen mak unos nanges, “di mana ke jeng, pulanglah mak surang sinik dekde agik kanti mak jeng,” ratap mak unos.
pek aek amper urang lah ramai turon kaek ngesat unos, ade arah sepuloh urang amang-amang nyelem beng aek, separo ngesat pek ule separo pek ilek, ade uge nampek pon kiara tempet terakher unos keliat, tapi dek apalah hasel e. aneh umun terasa padahal aek e teneng, aros dekde men anyut dek mungkin. karena lah bejam-jam urang ngesat unos dekde setempoh lah, ade sikok warge nyaran along setiar mintak jampik penengong kek atok uset pemimpen adet kampong. hal e urang-urang ngerasa janggel dan dek masok akal.
dek lama mak unos dikanti kek urang kampong mereh atok uset, dek bulek aben dari penengong atok uset kejanggalan tadi pon terjaweb. atok uset pon nyebut, “anek ke ne lah ngahri nunjet agik di aek segale macem empek mese pek ya radok anek ke gale, anek ke ne begangge. anek k ne lah dek benyawa agik diapet kek buyut nampek aker pon kiara, men ke nek nya lepas, tulong ke base bener-bener, berserah ke allah bace ayat kursi insha allah lak nya muncul surang.
pulang dari ya langsong mak unos kek warge kampong balet ke aek amper dan ngelakon apa yang dipadeh atok uset, dek lama unos pon ngapong dari dalem aek dalam keadaan lah buntek, kejer tanges mak unos, warge kampong pon ngebante ngangket mayat unos.
selang beberape malem kepergian unos pas ari ngenujuh e mak unos mimpi setempoh kek buyut, dalem mimpi ya buyut merik pesen.
“anek ke ne ngahri nunjet pek aek kan kek gurek, ukan kek ya ketak nya ne lah kelalah igek jadi manusia, tangen e dek mateh, nya ne lah nenggek umah ko, aker-aker pon ko abis nya murek e, nya pon nantang dek nelingan dipadeh, kek ke ge kudek nya nek nyaot, bierlah kejadian ne dijadikan pelajaran kek ikak kadep ne, jadi manusia jangen kelalah, jangen nyuet yang ukan hak ikak, kita ne idup bedamping jangen nek sekenek perot nek nabet. nek maen bon-bong ya dek hal tapi jangen siah begangge.”
sesudeh bangun mak unos pon langsong setanges kek merenung kesalahannya, karena nya kurang juet madeh unos. akher e mak unos pon madeh mimpinya kek urang kampong bier beng kadep ne jangen sampai kejadian malang ne terulang. dek lama dari kejadian ya ujong-ujong e lah jareng budak kinek ne maen bong-bong pek aek amper.**kurator: meilanto, habib safillah, dan sudi setiawan.