CERPEN Amelia Kantesa, SMP Negeri 1 Koba: Budak Nek Tau Bai

Reporter: |

Editor: Budi Rahmad |

Minggu , 15 Dec 2024 - 21:44

Ardi langsung ngawe ape yang dipadeh kek Mak e. Dak lama dari ya, Mak e tekejut ningok ape yang di gawe kek Ardi, upa e Ardi nyuson pemakan di tingkik-tingkik e dalem dulang tu.

“Ya Allah Ardi.. Ape ken ka buet ne? Ancok men ngek ni. Lah, ka ngambik-ngambik barang be dak usah nyuson kek ngias ne,” cakap Mak Ardi.

“Hehe.. Aok lah pon Mak,” saot Ardi.

Sambil ningok Mak e nyuson pemakan, Ardi betanyak ngapa nganggong ne pakai tempet e dulang.

“Mak, pemakan ne imang nek di tarok di dulang kan? Ngapa dek di tempet laen bai?” tanyak Ardi.

“Nama ge nganggung Jang. Tulong ambik kek Mak tudung saji di ates mija nu!” pinta Mak.

Gara-gara hal ya tadik, Ardi makin banyek yang nek di tanyak kek Mak e.

“Yo lah Mak, padeh lah, apa hal e nya pakai dulang ya?” tanya Ardi.

“Ne Mak madeh e, pon nganggung ne imang pakai dulang Jang. Sege lah dari Nek Atok ikak luk e, lah jadi turon-temuron sampai kinek. Nganggung ne ade sebutan laen e. Nama e Sepintu Sedulang arti e sepintu ya sikok umah, men sedulang ya sikok dulang yang kayak kita buet ne,” padeh Mak Ardi.

“Jang, ka tau dek macem mana ngebawek dulang ne?” Tanya Mak Ardi.

“Cem ne kan, Mak?” Ardi merik cuntoh e.

“Aok, nak ya lah Jang. Ya lah arti nganggung sebener e. Bawek dulang ya dianggong tarok di telapak tangan angkat sebahu,” padeh Mak Ardi.

“Kalok yang ne ka tau dak (sambil migang tudung saji) urang muet e dari apa?” Tanya Mak.
“Dari ape Mak?” Jawab Ardi.

“Urang muet tudong saji ne dari daun mengkuang. Udeh e baru di cet warna mirah, kuning, kek ijau. Mirah ne arti e kebersamaan kek keberanian kite. Kuning arti e keagamaan kite, pon ijau arti e kemakmuran. Budaya nganggung ne lah lama dari duluk dilestarikan kek urang-urang kampong kita. Arep Mak, budaya ne sampai ke anak cucuk ikak kelak,” padeh Mak Ardi.

“Ooo kayak ya Mak ok. Aok lah Mak insyaAllah Ardi kek kawan-kawan pacak ngenjage tradisi nganggong,” saot Ardi.
Dek terasa lah lama urang ya bekisah, tau-tau ari lah kek magrib. Mak Ardi langsong nyuroh Ardi mandik, biar kelak e dak tekacer-kacer nek gi nganggong. Sebelum mandik, Ardi nyarik baju yang nek di pakai malem ne, dak lama udeh ya ade bunyi bedok magrib. Lah udeh sembayang magrib Ardi besiap-siap nek mereh kawan e biar gi sama-sama ke surau langsong sembayang isya di sanu.

cerpen amelia kantesa,  smp negeri 1 koba: budak nek tau bai                            cuaca pagi ne bek men ditambeh kek langit yang warna e mirah agak keuren-uren e lah keliat. cuaca cem ya muet ati teneng. di kampong yang isik urang e renyek gale, ade budak name e ardi. budak tu gati ditugak “budak nek tau bai”.
tok.. tok.. tok..“jang ooo.. jang, bangunlah! langet lah mentireng. ka ken gi sekulah dak?” kate mak ardi.
“ku lah hude bai, mak. ku nek gi sekulah, lah,” jawab ardi sambil ngebuka lawang kamar. “ku nek gi sekulah luk mak, ok,” pamit ardi.
pergilah ardi ne ke sekulah naek kerito.  hampai di sekulah rupe e gerbang lah kek tutop. hepanjang jalan hapai ke kelas die kededep, mese e sangkak die, die lah telambat sege urang lah masok kelas gale.
“untung ku dak telat. pun telat tadi, gayel ku dikeruce mak kami,” kate ardi dalem ati.
macem biase e, ardi belajar dak sangat kawa e. pas bunyi bel istirahat, die langsung keluar gi natak. ardi belajan ke kantin yang gati die pereh.
“bik, cem biase lah ok, es teh kek mie ayam,” kate ardi.
“aoklah, jang, tunggu luk,” saot bik kantin. dak lame dari tu, bik kantin nganter pesenan ardi.
“makaseh bik, ok,” kate ardi.
dak lame langsung dimaken kek ardi. pas die tengah makan, dateng kusri, kawan ardi mere.
“di, ka gi dak nganggung malem ni?” kate kusri. ardi baru teringet e men malem ne ade acara nganggung di kampong e.“gi se’. ikak jemput ku, ok,” kate ardi.
saking lame nya bedue bekisah, dek sadar kalok lah ade bunyi bel masok. keben ardi masuk ke kelas e masing-masing. ardi belajar ge lah dak renyek agik gara-gara nek cepet-cepet gi nganggung. saking nue mikir e, tau-tau lah ade bunyi bel pulang sekulah.
pas ardi lah dateng umah, die langsung besalen baju nek maen bal kek kawan-kawan e. sebelum ardi gi, nya ke dapuk luk nek maken. upe e di dapuk ade mak e, tengah masek kek nganggung malem ne.
“apa laok, mak?” tanyak ardi. “tingok lah jang, dalem tudong saji ya,” saot mak ardi.
ardi langsong ngambik buk kek laok, maken di adep tv.  udeh maken, ardi nyantai di teras umah, sak-sak nunggu kawan e dateng.  dek lama dari ya ade kusri e nyengol.
“ardi yo kite gi maen bal,” ajak kusri.
“yo se’, tunggu luk suat, ku ke dapuk luk madeh kek mak kami,” jawab ardi.
“mak, oo mak, ku gi maen luk suat ok? deket lapang bal deket umah ngah, ya,” pamit ardi.
“jang, kelak gi maen e, bantu mak luk di dapuk nyiap alat nganggung kek malem ne,” saot mak ardi.
nenger saot mak e cem ya, ardi langsong keluar pulik mereh kusri gi madeh pon nya dak lalu maen bal.
“ku dak lalu maen dak, ku nek mantu mak ku nyiap alat-alat kek nganggong malem ne,” kate ardi.
“yo lah di…di kite maen bal, lah banyek kawan nunggu di lapang bal nu,” kate kusri.
“dak ku dak, malem ne sudeh nganggong kita nek gi maen lah, jadi siang ne ku mantu mak kami duluk,” padeh ardi.
“oh, aok lah pon, kami maen bal luk ok,” kate kusri.
“mbo lah,” saot ardi.
sudeh madeh kek kawan e, ardi ke dapuk dudok di pinggir mak e.
“ape kek ku gawe ne mak?” kate ardi.
“tulong suson pemakan dalem dulang ya, jang,” suroh mak ardi.
“oh, aok lah, mak,” saot ardi.
ardi langsung ngawe ape yang dipadeh kek mak e. dak lama dari ya, mak e tekejut ningok ape yang di gawe kek ardi, upa e ardi nyuson pemakan di tingkik-tingkik e dalem dulang tu.
“ya allah ardi.. ape ken ka buet ne? ancok men ngek ni. lah, ka ngambik-ngambik barang be dak usah nyuson kek ngias ne,” cakap mak ardi.
“hehe.. aok lah pon mak,” saot ardi.
sambil ningok mak e nyuson pemakan, ardi betanyak ngapa nganggong ne pakai tempet e dulang.
“mak, pemakan ne imang nek di tarok di dulang kan? ngapa dek  di tempet laen bai?” tanyak ardi.
“nama ge nganggung jang. tulong ambik kek mak tudung saji di ates mija nu!” pinta mak.
gara-gara hal ya tadik, ardi makin banyek yang nek di tanyak kek mak e.
“yo lah mak, padeh lah, apa hal e nya pakai dulang ya?” tanya ardi.
“ne mak madeh e, pon nganggung ne imang pakai dulang jang. sege lah dari nek atok ikak luk e, lah jadi turon-temuron sampai kinek. nganggung ne ade sebutan laen e. nama e sepintu sedulang arti e sepintu ya sikok umah, men sedulang ya sikok dulang yang kayak kita buet ne,” padeh mak ardi.
“jang, ka tau dek macem mana ngebawek dulang ne?” tanya mak ardi.
“cem ne kan, mak?” ardi merik cuntoh e.
“aok, nak ya lah jang. ya lah arti nganggung sebener e. bawek dulang ya dianggong tarok di telapak tangan angkat sebahu,” padeh mak ardi.
“kalok yang ne ka tau dak (sambil migang tudung saji) urang muet e dari apa?” tanya mak.“dari ape mak?” jawab ardi.
“urang muet tudong saji ne dari daun mengkuang. udeh e baru di cet warna mirah, kuning, kek ijau. mirah ne arti e kebersamaan kek keberanian kite. kuning arti e keagamaan kite, pon  ijau arti e kemakmuran. budaya nganggung ne lah lama dari duluk dilestarikan kek urang-urang kampong kita. arep mak, budaya ne sampai ke anak cucuk ikak kelak,” padeh mak ardi.
“ooo kayak ya mak ok. aok lah mak insyaallah ardi kek kawan-kawan pacak ngenjage tradisi nganggong,” saot ardi.dek terasa lah lama urang ya bekisah, tau-tau ari lah kek magrib. mak ardi langsong nyuroh ardi mandik, biar kelak e dak tekacer-kacer nek gi nganggong. sebelum mandik, ardi nyarik baju yang nek di pakai malem ne, dak lama udeh ya ade bunyi bedok magrib. lah udeh sembayang magrib ardi besiap-siap nek mereh kawan e biar gi sama-sama ke surau langsong sembayang isya di sanu.
ardi gi mereh kawan naek kerito. pas ateng di umah kawan e, upa kawan yang nya pereh tadik dak kawa gi. “kus.. oo kus.. yo kite gi nganggong,” kate ardi.  
“gi lah ka, ku dak gi dak, dak kawa nusah ko,” kate kusri.
“weeeww.. dak jadi macem ya. kita kan lah bejanji siang tadik. sudeh e men ukan kita siapa agik peneros budaya nganggung ne. sege mak kami madeh, budaya nganggung ne lah dari duluk ade e, sampai sekarang ne urang kampong kita ngawe e.
masak ka dak kawa ikot. men ka dak kawa ikot berarti ka dak kawa ngelestarikan budaya khas daerah kita. kita ne sebagai peneros ngelestarikan budaya nganggung ne nya kek generasi selanjut e,” padeh ardi.**kurator: meilanto, habib safillah, dan sudi setiawan.