CERPEN Fathiyyah Zahra Purwadinata, SMPN 2 Pangkalpinang: Bagian dari Kite

Reporter: |

Editor: Budi Rahmad |

Minggu , 15 Dec 2024 - 21:38

“Rupe e pacaklah ku ni jadi urang ganteng macem ne, ok,” ucap Baskara dalem ati.

“Adaw daw, Mak. Dek nyangkak ko pacaklah ganteng macem kek Jeong Jaehyun,” timpal Bumantara pulik.

Diem-diem kedue baru nyadar bahwa selame ni die bedue imang ganteng. Baju kurung warne biru, lengkap kek kain e yang warne e same dengan corak-corak warne emas, destar yang die pake ge dak kalah bagus dan mengkilap.

“Rupe e bagus ok, baju khas budaya melayu Bangka ne. Kira ku biase bai, soal e dari dulu ku males belajar tentang budaya, lungoi,” ungkap Baskara dengan mate yang tetap ketuju pantulan e di kaco cermen.

“Ok bagus sek, baju dari budaya ikak ni pacak muet ganteng untuk urang kelaki, cikar untuk urang bini! Dek rugikan betandeng ke sine?’ tanya Bang Putra kek nya sekaben ne.

“Untung bai sekolah ikak nek ngajek ikak kunjungan ke sine, jadi ikak acak belajar lebih dalem tentang baju adat ikak ni. Mimang sejarah e panjang muah tapi tu lah yang muet baju daerah tu lebih bermakna dari bajuk biase yang asal ketingok bagus. Inget ok jagan cak-cak dek retak kek budaya. Budaya tu ukan cuma di masa lalu tapi ade dan selalu ade sampai ke kini, dan menjadi bagian dari identitas kite,” jelas Bang Putra panjang libar di kegiatan kunjungan kalik tu.

Habis nenger Bang Putra ngumong, tipis-tipis mulai tumboh rase seneng kek budaya di hati Baskara saat tu. Die mulai nyadar tujuan P5 ni biar anak sekulah yang agik labil ni pacak kenal agik budaya asli die urang.

“Makaseh, Bang Putra. Eh pacak dek nulong ko ngelepas bajuk ni? Dek Kawa bauk baju urang kena ketiak ko Bang, ancok kurau,” kelakar Baskara sambil begagit. Baskara nek cepet ngelepas baju. Die lah ningok kawan e lah pada gi ke stand lain. Make e gusar hati e, takut ditinggal. Die dak sadar dari tadik Bumantara nginggel kepala ningok kelakuan Baskara macem kek budak kurang se ons alias dek pati renang.

“Baskara, Baskara. Badan bai besak, mental e macam kek budak kecil tekejut kek bedil,” gerutuk Bumantara dalam hati. Namun, macem ya lah ketingkah kawan e. die pun mantukan Baskara ngelepas bajuk yang dicube e di stand Cual tu.

Kurator: Meilanto, Habib Safillah, dan Sudi Setiawan.

cerpen fathiyyah zahra purwadinata, smpn 2 pangkalpinang: bagian dari kite                            “adoi untuk ape ge p5 ni tema e kearifan lokal? gi nyusah ge pon e, males ku,” gerutuk baskara abis bace artikel yang diberik kek guru e tadi. lah kek ketiduk die ngebace e, untung-untung aik yok dek ngerueh. mendek busok e nguap ke mane-mane.
si baskara ade gawe p5, tema e laen-laen. kali ne tema e kearifan lokal kek topik e tu melestarikan budaya bangka di masyarakat. baskara dak ingen p5 macem ne, nue die bosen e men lah nyangkut paut ke budaya. menurut die, banyak igak sejarah e, muet saro mikir e.
“la la, biak la, bas. kite ade kunjungan hari ne! lumayan la, malek ku di kelas teros,” kate bumantara dengan suare yang keras. sebener e, bumantara same la kek baskara, tapi ade lah beda tipis. die lebih menghargai budaya dibandeng kek si baskara, walau bace artikel same la tengantok e, nya tetep tahen mate e biak dak ketiduk.
“bener men? ah, tapi males ku, langok pasti ku di sia.” baskara dek kawa agik bace artikel, nya bunyik artikel e dalem tas. die baringken kepale e di ates mija, die nguap mulot e besak tebuke, acak lalet atau ge nduk sukok masok mulot e.“nue males ki ne! along dek usah idup kate ku men ka sutek males ne. ka napas ge males kelak e,” kate bumantara sambil namper muke  baskara pelan-pelan. hal tu buat baskara agak gerigit, dia bales durong bahu bumantara same pelan e. abis tu bumantara dak bales agik, nya ngebiak baskara tiduk.
dak lame sude tu, bener rupe e ade kunjungan ke tempet pembuatan baju, kain, kek pernik-pernik  khas bangka. dorang ke situ naek uto besak yang lah disewa kek sekulah e, ramai rumbongan e macem urang nek migrasi. lah berape jalen diliwat pakai uto. dek lame sampailah rumbongan kabennya ke tempet yang dituju.
men ningok  dari luar ge lah tau bahwa tempat ya khas dari lame. ade kain-kain cual yang yang  dipajeng di luar, nambeh kesan kenak diliat e, di adep pintu masok e, ade urang laki yang tengah bediri, pakai  bajuk melayu bangka yang disebut bajuk telok belango.
rupe e, urang laki tu yang bakal ngarah rombongan dari sekulah dorang ni keliling tempat e, die dipanggil bang putra, bang putra mimbing dorang masuk ke dalem, abis tu die ngemadeh segale macem baju dan pernik-pernik dari budaya bangka. mulai dari baju seting, kain cual, paksian, destar, dan lain-lain betimbun banyek e.
baskara ningok-ningok di sekeliling e lah, ade proses ngembuet kain, baju, dan pernik-pernik yang ketingok e unik kek antek. ade rase tetarik dikit dalem hati e, tapi lum cukup untuk muet die dak ngantuk. bumantara nyadar sek kawan e lah kek ketiduk pulik, die guncang-guncang badan baskara biak nya dak ketiduk. bagus tujuan e, care e yang salah. baskara kesel sek jadi e, die ngeruce, “jadi la ka ne, ku jagur muke ka bengep kelak e baru tau rase. ku dek ken ketiduk di sine, wew!” nenger baskara ngeruce, bumantara ketabe tepingkel-pingkel, nya gelik hati ningok baskara ngeruce. macem kek bencong jatuh rambut wik.
“oii, dik. ngape ikak bedue ne? ha ka ni, ngape ka ngakak dek keruan jatek?” tanyak bang putra ke kaben die urang bedue ni. kedue e betuleh-tuleh hingga urang di sekeliling jigak ningok die bedue macem berok semundi ngaruk kepala dak gatel.
kebetulan emang saat tu, baskara kek bumantara bediri di depan pameran koleksi baju melayu untuk urang laki. pas sadar, awal e baskara kek bumantara nek minggir atau pegi dari sia karena dak kawa ngaleng jalen urang, tapi dorang ditahan kek bang putra. ”ikak nek ke mane ge? nek nyube baju ne, dak? bagus pasti kek ikak, cayak lah kek bang putra,” bujuk bang putra meyakenkan kedue bujang pangkal ni.
nenger tawaran tu, urang  due tu mikir luk, lumayan lame  mikir e. saking lame e waktu mikir e setara kek waktu muet lime ikok destar.
“nek lah pon, bang. sape tahu ku ganteng makai bajuk ni,” jawab baskara cak-cak malu.
“ku nek ge nek bang. rase teringet waktu besunat luk, disuroh ayah kami makai bajuk kayak ni,” sambung bumantara sambil senyom ditahan dan seneng hati e. ningok penerimak ati kedue budak ni, senyum bang putra makin libar dan die pun dengan seneng ngembantu baskara dan bumantara nyube vitteng bajuk e.
“wew, cube ikak bedue bekaco! pasti ikak dek nyangka ikak pacak seganteng ne boy. yo ne tingoklah!” perintah bang putra cepet. kedue bujang bekawan ne tepelungok ningok muke e di pantulan cermen.
“rupe e pacaklah ku ni jadi urang ganteng macem ne, ok,” ucap baskara dalem ati.
“adaw daw, mak. dek nyangkak ko pacaklah ganteng macem kek jeong jaehyun,” timpal bumantara pulik.
 diem-diem kedue baru nyadar bahwa selame ni die bedue imang ganteng. baju kurung warne biru, lengkap kek kain e yang warne e same dengan corak-corak warne emas, destar yang die pake ge dak kalah bagus dan mengkilap.
“rupe e bagus ok, baju khas budaya melayu bangka ne. kira ku biase bai, soal e dari dulu ku males belajar tentang budaya, lungoi,” ungkap baskara dengan mate yang tetap ketuju pantulan e di kaco cermen.
“ok bagus sek, baju dari budaya ikak ni pacak muet ganteng untuk urang kelaki, cikar untuk urang bini! dek rugikan betandeng ke sine?’ tanya bang putra kek nya sekaben ne.
 “untung bai sekolah ikak nek ngajek ikak kunjungan ke sine, jadi ikak acak belajar lebih dalem tentang baju adat ikak ni. mimang sejarah e panjang muah tapi tu lah yang muet baju daerah tu lebih bermakna dari bajuk biase yang asal ketingok bagus. inget ok jagan cak-cak dek retak kek budaya. budaya tu ukan cuma di masa lalu tapi ade dan selalu ade sampai ke kini, dan menjadi bagian dari identitas kite,” jelas bang putra panjang libar di kegiatan kunjungan kalik tu.
habis nenger bang putra ngumong, tipis-tipis mulai   tumboh rase seneng kek budaya di hati baskara saat tu. die mulai nyadar  tujuan p5 ni biar anak sekulah yang agik labil ni pacak kenal agik budaya asli die urang.
“makaseh, bang putra. eh pacak dek nulong ko ngelepas bajuk ni? dek kawa bauk baju urang kena ketiak ko bang, ancok kurau,” kelakar baskara sambil begagit. baskara nek cepet ngelepas baju. die lah ningok kawan e lah pada gi ke stand lain. make e gusar hati e, takut ditinggal. die dak sadar dari tadik bumantara nginggel kepala ningok kelakuan baskara macem kek budak kurang se ons alias dek pati renang.
“baskara, baskara. badan bai besak, mental e macam kek budak kecil tekejut kek bedil,” gerutuk bumantara dalam hati. namun, macem ya lah ketingkah kawan e. die pun mantukan baskara ngelepas bajuk yang dicube e di stand cual tu.
kurator: meilanto, habib safillah, dan sudi setiawan.